Den Handy suergt ëmmer méi dacks fir grav Verkéiersaccidenter

Fir de ganzen Artikel op RTL.lu ze kucken, klickt w.e.gl. hei.

Dowéinst wäerten d’Sécurité routière an de Mobilitéitsministère vun der Rentrée un eng Sensibiliséierungscampagne lancéieren. Grad Cyclisten a Foussgänger, déi am Fall vun engem Accident schlëmm Verletzunge riskéieren, sollten am Verkéier all hir Sënner benotzen. Nieft de gesondheetleche Suitte kënnen iwwregens och juristesch Konsequenzen dreeën, esou de President vun der Sécurité routière Paul Hammelmann.

« Wann ee Foussgänger, ech huele lo ee krasst Beispill, mam Handy, och nach mat Kopfhörer, iwwert ee Foussgängersträife geet, wou e jo à priori absolut prioritär ass, an et geschitt eppes do, kann en duerchaus eng Deelschold kréien. Well e sech dann net vernënfteg a virsiichteg beholl huet, sou steet et ëmmer am Protokoll vun der Police. »

Et géing een eng Amende an och de Verloscht vu Punkten um Fürerschäi riskéieren. Theoretesch kéint een de Permis esouguer ofgeholl kréien. Nieft enger besserer Sensibiliséierung kann ee sech bei der Sécurité routière och nach konkret Mesuren um Niveau vun der Beliichtung virstellen, wéi et se plazeweis schonn am Ausland gëtt.

« Dat sinn heiansdo Luuchten, déi an de Buedem agesat sinn, déi flashen oder och net flashen, mee déi ëmmer u sinn, am Dag sou gutt wéi an der Nuecht, déi een am Dag och gesäit. An déi doduercher effektiv dem Foussgänger méi Sécherheet ginn, well den Automobilist eebe weess, ech komme lo op eng Plaz, wou ech net méi Prioritéit hunn, also muss ech oppassen, ob een do steet oder net. »

Nieft de Foussgänger a Vëlosfuerer géinge virun allem d’Motocyclisten zu deene vulnerabelen Acteuren am Verkéier gehéieren. Helmer mat integréiertem Funk wieren zwar erlaabt, mee dës sollt een awer net benotzen, fir haart Musek ze lauschteren.

Marc Hoscheid|Update: 19.08.2025 07:34